زنده باد دوستی ملت های آمریکا و افغانستان 
اعلامیۀ ریاست اجراییه در پیوند به حمله به کاروان موترهای حامل سترجنرال عبدالرشید دوستم، معاون اول ریاست‌جمهوری افغانستان
یکشنبه ,11 حمل , 1398

سپیدار-کابل: حملۀ تروریستان و دشمنان مردم افغانستان را به کاروان موترهای سترجنرال عبدالرشید دوستم، معاون اول ریاست‌جمهوری، با شدیدترین الفاظ محکوم می‌کنیم

خوشبختانه در رویداد تروریستی دیروز در مسیر بلخ- جوزجان به معاون اول ریاست‌جمهوری آسیبی نرسید و اما شماری از هموطنان بی‌گناه ما شهید و زخمی شده‌اند

معاون اول ریاست جمهوری، از چهره‌های تأثیرگذار و معتقد به تأمین نظم و امن در کشور است و تروریستان و حامیان‌شان، حضور وی را در افغانستان برتابیده نمی‌توانند و همواره به حملات هراس‌افگنانه مبادرت می‌ورزند که ناشی از ترس و ناتوانی‌ آنان می‌باشد

باردیگر این حمله ناجوان‌مردانه را محکوم می‌کنیم و به محترم سترجنرال عبدالرشید دوستم طول عمر، صحت و سلامتی آرزو داریم

 

دوکتور عبدالله عبدالله

رییس اجراییه جمهوری اسلامی افغانستان