زنده باد دوستی ملت های آمریکا و افغانستان 
رئیس‌جمهورغنی و رئیس‌جمهوری تاجیکستان صحبت تلیفونی کردند
شنبه ,16 ثور , 1396

 

محمداشرف غنی رئیس جمهوری اسلامی افغانستان و امام‌علی رحمان رئیس‌جمهوری تاجیکستان عصر روز گذشته از طریق تماس تلیفونی باهم صحبت کردند.

سران دوکشور روی موضوعات مورد علاقه بحث و تبادل نظر نمودند. رئیس‌جمهورمحمداشرف غنی از همکاری‌های تاجیکستان به‌ویژه در زمینۀ مداوای مجروحین حادثه اخیر، تشکری کرد.

 

وی از رئیس‌جمهوری تاجیکستان دعوت کرد که از افغانستان دیدن نماید تا گام‌های بهتر در عرصۀ تقویت همکاری‌ها به خصوص در عرصه‌های امنیتی و اقتصادی برداشته‌شود.

 

رئیس جمهوری تاجیکستان از دعوت رئیس‌جمهورغنی استقبال کرده، گفت که کشورش آماده است درهمکاری با افغانستان در بهبود وضعیت امنیتی و مبارزه با تروریزم مشترکاً کار کند. سران دوکشور بر مبارزۀ مشترک علیه تروریزم تأکید ورزیدند.